= mis à jour ou nouveau !
377 cartes sont présentes sur le site
dont 265 sur Boulogne Sur Mer
J'avois vingt ans
j'aime arluquer les cart's postales
qui font arviv-Boulonn' d'avant,
tout partout d'où qu'on les installe,
ej rest'bec-bot comme un éfant ;
j'les tourne, artourne, ej me régale,
ej j'rest-toudis planteï edvant.
Tout in vavant d'plaisi'j'arguette
ces témoignanges du "bon viux temps",
et, tout d'un coup, j'intinds dins m'tête
s'égosiller l'"...Archand d'carban"
qui va proposer ses gaillettes
ses sacs ed boulets et d'tout-v'nant.
J'm'arvois dégarouler Saint-Pierre
et descindr'su'l'quay Gambetta
acouter l'cam'lot qui espère
vindr'ses lam's ed rasoir estras,
et l'canteus'des rues et sin père
qui nous font canter "Ramona".
Comme un flim, là-d'dins ça défile,
j'vois les baladeus's quitter l'quay
et s'éparpiller dins no'ville
in évitant l'rail du tramway.
J'arvois l'tacot d'automobile
qui frôle un'carette à bidet.
J'arvois eun'fou'ljoyeus'qu'alle passe,
salue et s'interpelle in qu'imin ;
tout un mond'qui groulle et jacasse
et met dé l'vie dins min pat'lin.
J'arvois l'ouvrier qui s'déplace
avec, à s'lèvr'un pitit r'frain.
Là-vas j'arvois l'cardeuw ed laine,
l'rémouleuw qui vas raguser
et l'raccommodeuw ed porc'laine
et d'vieill's faïenc's à réparer.
J'rintinds "Parapluies, veill's baleines
à artourner, à ardresser".
V'là "radis..ra.." à deuws sous l'botte
et l'porte-ball'qui fait l'mercier ;
pis c'est l'vitrier à voix haute
qui crie "carriauws à remplacer",
tandis qu'edvant s'porte eun'mat'lote
a des poirs'cuits à liquider.
Pus lon, c'est l'marchande ed roussettes
d'hérings et d'maquériauws fraïou
et j'ay cor'là, increï dins m'tête
l'cri du rétameur qui r'tap'tout,
sti du marchand d'sable'à carrette
qui n'in vind un siauw pour deuws sous.
Oh ! ui j'ador'les cart's postales
qui font arviv'Boulonn'd'avant.
Avec amour ej les détalle.
Car, in s'temps-là, j'avois vingt ans.
Félix VALETTE
( extrait d'une Rubrique Patoisante de "La Voix Du Nord"
)
Cliquer ici pour télécharger le texte
= mis à jour ou nouveau !
La mer (21) La plage (17) Le port (41) Le bassin (12) Le casino (18 ) Bld Ste Beuve (24) Digue (2)
St Pierre (5) Tour Caligula (3) Gare maritime (3) Calvaire des Marins (7) Quai Gambetta (13)
La pêche (21) Chambre de commerce (3) Portraits (6) Divers (28) La Colonne (8)
Les Remparts (12) Hôtel de ville (4) la Cathédrale (7) Frédéric Sauvage (3) Alentours (118)
Visiteurs
Dernière mise à jour le : 02 mars 2006
site réalisé par Régis RINGOT. Tous droits réservés.